القائمة الرئيسية

الصفحات

كيف تتصدر نتائج البحث الكلمات المفتاحية من حيث الصعوبة والاستهداف ثلاث انواع

كيف تتصدر نتائج البحث +بلوجر +وورد بريس +الكلمات المفتاحية



#الجزء_الاول

الكلمات المفتاحية من حيث الصعوبة والاستهداف ثلاث انواع:

العديد من المدونين يتسأل كيف يتنافس على تصدر نتائج البحث بالكلمة المستهدفة الصعبة من أجل تصدر نتائج البحث في جوجل والظهور في النتائج الأولى 

النوع الاول.

عدد النتائج في جوجل صغير اقل من100 الف و النتائج المتصدرة مش مستهدفين الكلمة في العنوان ودي سهل تتصدر فيها لو عملتلها اون بيدج حلو

النوع التاني.
عدد النتائج في جوجل قليل تحت المليون والنتائج المتصدرة مستهدفين الكلمة المفتاحية في العنوان ودي نوعا ما سهل تتصدر لو اشتغلت اون بيدج صح

النوع التالت.
عدد النتائج في جوجل فوق المليون والنتائج المتصدره مستهدفين الكلمة المفتاحية ودي نوعا ما صعبه شوية ومحتاجه اون بيدج و باك لينكات

اقرأ أيضا ما فائدة وضع عناوين مخصصة في موقعك 

انواع الكلمة المستهدفة لتصدر نتائج البحث. 

فيه قواعد خلي بالك منها
1-النوع الاول لو المتصدرين مواقع زي اليوم السابع مدام مش مستهدف الكلمة سهل تتصدر

2-النوع التاني لو متصدر مواقع تقيله هتلاقي صعوبة انك تتصدر رغم قلة عدد النتائج في الحالة دي ظبط مقالك و اول ما يجيلك زيارات من المقال اعمله باك لينك بس بالاصول يعني مش يجيلك زيارتين وتقوم عامل خمسه جيست بوست بان ان الباك لينك طبيعي

هتسال نفسك كيف هيجيلي زيارات وانا مش متصدر


لما بتكتب مقال بيكون فيه كذا كلمة مفتاحية بقصد منك او بدون قصد بتبقا كلمات طويلة وسهل تتصدر فيها فلما تتصدر فيها ويجيلك زيارات فابقا اعمل باك لينك
ولازم جيست بوست لانه اقوى باك لينك

علشان تعمله شوف مدونات تتبادل معاها باك لينك
الكلمات المفتاحية عدد البحث عليها من100 وانت طالع

نيجي هنا لموضوع اذاي اجيب كلمات مفتاحية هنخليه لشرح تاني كده عرفت المقال والكلمات لسه الاهم وهو الادوات الي هتشتغل بيها
والاسلوب دا علشان تعرف هتشتغل اذاي قبل ما تعرف ادوات الشغل علشان متتعبش نفسك على الفاضي

كيف اوصل للنتائج الثلاثة الأولى في جوجل!


عملت أكثر من ١٠٠ باك لينك لكلمة مفتاحية لصفحة خدمة أو مقال في موقعك ولسة بتبني باك لينكات أكثر ومش قادر تتصدر بيها في النتائج الثلاثة الأولى؟؟؟
دي مشكلة بيتعرضلها أغلب أصحاب المواقع حتى لو الكلمة المفتاحية سهلة في المنافسة أو متوسطة. والمشكلة دي ناتجة عن سوء فهم لدور الباك لينك. ووظيفته وتأثيره. ومع ذلك البوست ده مش عشان اتكلم عن الباك لينك. انا هتكلم عن حاجة أكبر بكثير من الباك لينك ألا وهي "الرانك برين - Rank Brain".
مهمة الباك لينك الأولى والوحيدة هي انها تنقلك من غياهب صفحات محركات البحث للصفحة الأولى. وطبعا الكلام ده بدون نتيجة محددة. يعني ممكن تعمل باك لينك قوي ينقلك من أخر صفحة في محركات البحث لأول أو ثاني نتيجة أو ثالث أو رابع أو خامس نتيجة أو حتة النتيجة رقم ٩.
بس بعد كدة بتلاقي موقعك بينزل بالتدريج شوية بشوية لغاية ما يطلع من الصفحة الأولى خالص. طيب ليه؟ ايه السبب؟

هنا بقى كلمة السر هي الـ RANK BRAIN.
الرانك برين دي تقنية طورتها جوجل عشان ترتب بيها نتائج الصفحة الأولى حسب عوامل محددة. والعوامل دي بتعتمد بشكل أساسي على سلوك المستخدم نفسه.
خلينا متفقين أن أهم حاجة عند جوجل هو المستخدم نفسه، وعايزة تقدمله أفضل خدمة ممكنة عشان تفضل متربعة على عرش محركات البحث وتفضل دايما أفضل خيار للمستخدم.

طيب ايه هي العوامل اللي الرانك برين بيرتب عليها نتائج البحث؟


أول عامل معانا هو الـ CTR .. النقر مقابل الظهور.
يعني كم مرة نتيجة موقعك بتظهر للمستخدم؟ وكم مرة بيتم النقر عليها؟ كل ما زادت نسبة الـ CTR كل ما ده بيدي Boost لصفحة موقعك دي أو المقال ده انه يترفع في الترتيب لغاية ما توصل للنتيجة الأولى.
وبالطبع كل ما يقل الـ CTR .. كل ما يتم تخفيض ترتيب صفحة موقعك أو مقالك لغاية ما توصل انك تخرج تماماً من الصفحة الأولى حتى لو معاك ألف باك لينك بيشيروا للصفحة دي.


وطبعا الكلام ده بينطبق على كل صفحة أو مقال في موقعك.
ثاني عامل معانا هو الدويل تايم أو سلوك المستخدم المباشر بعد النقر على موقعك.
هل بيدخل ومع أول ١٠ ثواني بيخرج تاني من موقعك ويشوف نتيجة تانية؟
تخيل معايا ان الزائر دخل موقعك وفي أقل من ١٠ ثواني خرج وكمل بحث وشاف نتيجة تانية .. معنى الكلام ده ان الزائر لم يجد من يحنو عليه :D
يعني موقعك مقدمش للزائر القيمة اللي بيبحث عنها. ومع كثرة الزوار اللي بيقوموا بنفس اللي عمله الزائر ده مع موقعك. هنا الرانك برين بيبدأ يقول لنفسه "يبدو ان الموقع ده متصدر غلط على الكلمة دي"


بالتالي يتم تخفيض ترتيب الصفحة بتاعتك أو المقال بتاعك واحدة واحدة لغاية ما يخرج من الصفحة الأولى.
والعكس صحيح، يعني لو الزائر دخل موقعك وقعد شوية وشرب كوبايتين شاي وخرج من المقال ده دخل لمقال غيره متعلق بيه .. الرانك برين هيقولك "الله ينور .. انا هساعدك تتصدر" ويرفع ترتيب الصفحة دي.
جوجل بتهتم جداً بالمستخدم ... والسيو في الأساس مش انك تهتم بتحسين موقعك لجوجل .. السيو هو انك تهتم بتحسين موقعك للمستخدم نفسه.
بكدة انا جاوبت على أكثر سؤال شائع اللي هو "ليه مع كل الباك لينك اللي ببنيه المقال بتاعي مش بيتصدر نتائج البحث؟؟"


وملحوظة مهمة لازم تعرفها عن الرانك برين، انه بيشتغل لكل صفحة أو خدمة أو منتج أو مقال في موقعك على حدا. يعني الكلام ده مش على الموقع ككل. بل كل صفحة لوحدها.
دلوقتي أكيد هتسألني .. ازاي أأثر على المستخدم؟ ازاي اخليه يعمل كليك على نتيجة موقعي بالذات عشان يرفع لي الـ CTR ؟؟ وإذاي اتحكم في سلوكه داخل الموقع وازاي اخليه يقعد ٣ دقايق وأكثر؟
هل اعجبك الموضوع :

تعليقات